யதார்த்தம்

முகம் நிமிர்த்தி  யறைந்து
திருப்பி திருப்பி
தகர்த்திருக்கலாம் .

எதிர் பாராத  விதமான
தாக்குதல்களால்
நிலை குலைய  வைத்திருக்கலாம் .

பீறிட்டு கண்ணீர்
கசிவதை
பார்க்க விரும்பியதால்
பொறுமைக்கெதிராய்
எழுந்திருக்கலாம் .

பத்திரமாய் என்னிடம்
அடக்கி வைக்கப் பட்ட
புன்னகை  மட்டும்.

கேட்டு விட வில்லை
எதைப்  பற்றியும் ...

எங்கள்  பிணைப்பு
அகன்று  கழன்று  நிமிஷத்தில்
தூரமாகவிடக்   கூடுமென்பதால் .

ஆர். ஆல்பன்