சோக சித்திரங்கள்

பட்டாசு  சப்தங்கள்
எல்லா வீடுகளிலும்
பாகு  பாடில்லாமல்
பண்டிகை வந்து விட்டதால்

குழந்தைகளுக்கென்று 
வாங்கிச்   செல்ல  மறப்பதில்லை
கலர் மத்தாப்பு ரகங்கள்
தரை  சக்கரம் , குரவை  சாட்டை  என்று

விரையும் ராக்கெட்டுகள்
மின்மினி ரகங்களும்  
வானில் ஓவியம் தீட்டும்

இருட்டை அலங்கரிக்கும்
விசித்திரமான ஒன்றுதான் 
இந்த பட்டாசுகள்.

நம் மனங்களை
மகிழ்விப்பதற்க்கென்று
பள்ளியறை பட்டாசு சாலையென
தேங்கி கிடக்கும்  பிஞ்சுகளின்
உழைப்பில் உருவானதென
எவரும்
நினைத்து பார்ப்பதில்லை.